السيسي يحذّر من التعدي على الأراضي الزراعية والجسور: مش مسموح بيها

أكد الرئيس عبدالفتاح السيسي، أنّه لن يقبل أي تعدٍ على قدرات وجهود الدولة المصرية طوال السنوات الماضية لتحسين أحوال مواطنيها، متابعا: «زي ما بعمل تبطين للترع وبعمل إجراءات فوق الخيال، وأنا عارف بقول إيه، اللي بيتعمل في مصر فوق الخيال، يبقى مش هقبل إن حد يتعدى على قدراتنا».

وأضاف السيسي، خلال كلمته في حفل افتتاح محطة معالجة مياه مصرف بحر البقر، بشرق بورسعيد، أنّ التعدي على الأراضي الزراعية أو المنشآت أو الجسور، أو أي شيء من هذا القبيل، غير مقبول الآن، متابعا: «كان ممكن يبقى مقبول قبل كده».

وتابع الرئيس: «حد يقولي انت زعلان؟، أقوله لأ، أنا خايف عليكم، بقولك كان بيعدي 80 مليون متر ميّة بيكفي الناس تروي بشكل كويس، لما يبقى 30 مليون يبقى معناها إيه؟، وليه نعمل في نفسنا كده؟».