”عمر 2 يوم” .. الخطوة 13 من حملة ”ڨيت مديكا” .. يوميات مربي دواجن ـ شتاء 2020

نجح قطاع "ڨيت مديكا" أحد قطاعات الشركة الدولية للتبادل التجاري الحر IFT، في تصميم حملة فنية إرشادية لمربي الدواجن، مخصصة لشتاء 2020، وتفيدهم في كيفية تجهيز العنابر بعد آخر يوم من إخلائها من دورة تسمين سابقة، وذلك لاستقبال الكتاكيت في بيئة سالمة، خالية من المسببات المرضية.

وقال خبراء قطاع "ڨيت مديكا"، إن الحملة تفيد في التربية السليمة لقطعان التسمين بأمان, وتبدأ هذه الحلقات بالتطهير في عدة حلقات أيضا، فإلى الحلقة الثالثة عشرة، وهي "عمر 2 يوم":

زي ما اتفقنا من أول يوم أول حاجة نأكد عليها كل يوم هي الأمن الحيوي

- نأكد ان حوالين العنابر نظيف و مفيش مياه ولا علف في أرض المزرعة

- مغاطس العربيات و الأقدام قدام العنابر متفعلة و مليانة مطهر #فارمفلويداس

- احواض او مساقي غسيل اليد قدام العنابر مليانة #بيوسيد30

- العمال و المشرفين لابسين الزي المخصص للعنابر

- النافق بيتلم و يتعد أول بأول و التخلص منه بطريقة سليمة (الدفن أو الحرق)

بعد ما اطمننا على حائط الصد الأول في المزرعة ندخل العنابر و نتابع

- الحرارة و الرطوبة و التهوية

الحرارة 31.7 درجة سليزيوس و الرطوبة النسبية زي ما اتفقنا في اول اسبوع نحاول نخليها من 60 الى 70 % و هنتكلم عنها انهارده بالتفصيل, و طبعا مايكونش في تيارات هواء في العنبر تماما

- متابعة المياه و العلف و سقوة #أڨيبوست_تونيك

هنغسل المساقي بمياه بيضا و نحط سقوة أڨيبوست تونيك 8 ساعات بجرعة 2سم/لتر الماء عشان نعدي فترة التحضين بتحقيق أفضل نتائج

نهز العلافات و نزود العلف

الصورة موجود فيها اليوم, استهلاك الماء, العلف لكل 1000 طائر و درجة الحرارة انهارده

من انهارده نبتدي نتابع الفرشة باستمرار و نلاحظ أي تغير في الفرشة لو في بلل نشيله فورا و ندعم بفرشة جديدة,,, اوعى تخلي الفرشة تبوظ منك

#الرطوبة_النسبية

ناخد بالنا ان ظبط الرطوبة النسبية من أهم عوامل نجاح فترة التحضين و خصوصا في أول 3 أيام من العمر و لا تقل أهمية عن الحرارة و التهوية و المياه و العلف

طب قبل مانتكلم على ظبط الرطوبة النسبية نعرف يعني ايه رطوبة نسبية

الرطوبة النسبية هي : العلاقة بين محتوى الرطوبة في الهواء والحد الأقصى لمحتوى الرطوبة في درجة حرارة الهواء الحالية و يعبر عنها بنسبة مئوية

ايه الكلام الكبير دا ؟!!!!

بص يا سيدي الموضوع ممكن نطلع منه بكلمتين ان في علاقة بين درجة الحرارة و بخار الماء و الرطوبة النسبية في العنبر

الهواء السخن يقدر يشيل كمية بخار اكتر من الهواء البارد

و بناءا عليه احنا عندنا فرصة كويسة بأقل مجهود اننا نسيطر على موضوع الرطوبة النسبية و نعرف نعليها في درجة حرارة التحضين العالية

طب ايه هي مصادر الرطوبة عندنا في العنبر ؟

1- الرطوبة الطبيعية الموجودة في الهواء

2- بخار الماء اللي بيخرج مع الزفير نتيجة تنفس الكتاكيت

3- الرطوبة الناتجة من تبخير محتوى الفرشة من مياه و زرق

يعني عندنا مصادر رطوبة كتير و اللي احنا بنعمله بس اننا بنحافظ عليها و لو قلت بنزودها و ناخد بالنا ان زي ما الرطوبة القليلة ليها عيوب برضه الرطوبة العالية ليها عيوب

تأثير الرطوبة النسبية المنخفضة على الكتاكيت:

- هيحصل جفاف للكتكوت

- نمو الكتاكيت مش هيكون منتظم و يبدأ يبان عالترييش بتاع الكتاكيت و الاقي كتاكيت صغيرة كتير

- هلاقي الزرق لازق على فتحة المجمع و دا ليه اسباب كتير لكن في العمر الصغير بيكون سببه في الغالب قلة الرطوبة

- احساس الكتاكيت بدرجة حرارة أقل من اللي الترمومتر قايسها لأن احنا قلنا ان في علاقة بين الاتنين

طب لو الرطوبة النسبية قلت نعليها ازاي ؟

نزود كمية بخار المياه في العنبر عن طريق حلول بسيطة زي:

- نرش مياه على الحوائط و الارض الفاضية اللي مفيش عليها فرشة

- لو عندنا مساقي جامبو هنكون لسه ماستخدمنهاش ننزل فيها مياه

- نحط اطباق مياه قريب من الدفايات

يفضل المياه اللي هنرشها يكون فيها #ڨيركون_اس و نضرب عصفورين بحجر منها علينا الرطوبة و منها حافظنا على تطهير العنبر.

تأثير الرطوبة النسبية العالية جدا على الكتاكيت:

هيكون تأثيرها الأساسي على الفرشة هترطب و الامونيا تبتدي تزيد معانا في العنبر و ندخل في مشاكل تنفسية و معوية

طب الرطوبة لو زيادة في العنبر نعمل ايه ؟

نبتدي نزود التهوية حاجة بسيطة لحد ما نتخلص من الرطوبة الزيادة في العنبر و الزيادة في التهوية تكون تدريجي و لما نرجع نقللها برضه تدريجي

نتقابل البوست الجاي في

يوميات مربي دواجن

شتاء 2020