”عمر 3 يوم” .. الخطوة 14 من حملة ”ڨيت مديكا” .. يوميات مربي دواجن ـ شتاء 2020

نجح قطاع "ڨيت مديكا" أحد قطاعات الشركة الدولية للتبادل التجاري الحر IFT، في تصميم حملة فنية إرشادية لمربي الدواجن، مخصصة لشتاء 2020، وتفيدهم في كيفية تجهيز العنابر بعد آخر يوم من إخلائها من دورة تسمين سابقة، وذلك لاستقبال الكتاكيت في بيئة سالمة، خالية من المسببات المرضية.

وقال خبراء قطاع "ڨيت مديكا"، إن الحملة تفيد في التربية السليمة لقطعان التسمين بأمان, وتبدأ هذه الحلقات بالتطهير في عدة حلقات أيضا، فإلى الحلقة الرابعة عشرة، وهي "عمر 3 يوم":

"ياااه لو الدورة مشيت كلها حلوة زي أول اسبوع و محصلش اصابات ولا نافق" !!!!!

من أكثر الجمل اللي بتيجي في دماغنا في الاعمار الاولى للكتاكيت

يمكن السبب الرئيسي اننا مع الوقت اهتمامنا بالتفاصيل الصغيرة بيقل و الدخول في معمعة التحصينات و العلف الكتير و سقوات الدوا بينسينا

و عشان ماننساش دايما في أول كل يوم نجدد اهتمامنا بالأمن الحيوي (حائط الصد الأول ضد كل المسببات المرضية)

متابعة الأمن الحيوي

- أي حاجة داخلة العنابر من معدات أو أدوات لازم تتغسل و تتطهر ب فيركون اس لأنه أسرع مطهر

- نأكد ان حوالين العنابر نظيف و مفيش مياه ولا علف في أرض المزرعة عشان ماينزلش عصافير و طيور برية

- مغاطس العربيات و الأقدام متفعلة و مليانة مطهر فارم فلويد اس مطهر المهام الشاقة عشان لو في أي مسبب مرضي في الحذاء يعمله تغليف كامل و يقضي عليه و مايدخلش عنبرنا

- احواض او مساقي غسيل اليد قبل دخول العنابر مليانة بيوسيد30 أقوى مطهر يود موجود في مصر

- العمال و المشرفين لابسين اللبس المخصص للعنابر

- النافق بيتلم و يتعد أول بأول و التخلص منه بطريقة سليمة (الدفن أو الحرق) و لو لاقينا لا قدر الله في نافق زيادة او حاجة مش طبيعية هنزور معمل استشاري الدواجن فورا و لحد ما تزور المعمل ممكن تنزل سقوة "ڨيركون اس" في ماء الشرب بجرعة 1 جم/لتر الماء, فيركون اس هيقللك انتقال العدوى لو موجودة بين الطيور فيديك فرصة لحد ما استشاري الدواجن يوصفلك الدوا المطلوب للحالة

- متابعة العلف و الماء و سقوة أڨيبوست تونيك

في الصورة عالشمال هنلاقي استهلاك العلف في اليوم الثالث و استهلاك المياه لل 1000 طائر

تنظيف العلافات و تزويد العلف

غسيل المساقي و وضع جرعة أڨيبوست تونيك 2سم/لتر الماء 8 ساعات عشان نعدي فترة التحضين و تأسيس القطيع بنجاح

- متابعة التهوية و الحرارة و الرطوبة النسبية

الحرارة انهارده في العنبر 31.4 و طبعا التهوية احنا شغالين على التهوية الدنيا يعني مفيش تيارات هواء تماما لأن تعرض الكتاكيت لتيارات هواء في العمر دا هيأثر على أدائهم

اتكلمنا امبارح في الرطوبة النسبية و قلنا هنعمل ايه في الرطوبة لو قلت أو زادت و هنحط رابط الرطوبة النسبية في أول كومنت عشان نراجع المعلومات

- توسيع الحجازة

انهارده الكتاكيت عندنا هيكون وزنها تقريبا من 80 ل 85 جرام يعني ضعف وزن الاستلام فهنوسع حجازة التحضين, لما نوسع الحجازة هنحط فيها الأول العلافات و المساقي و نملاهم مياه و علف و نشغل الدفايات و نستنى لحد ما درجة الحرارة توصل لنفس درجة الحرارة اللي جوا الحجازة نبدأ نفتح حجازة التوسيع للكتاكيت

- السيطرة على النيوكاسل من البداية

نيجي لنجم اليوم الثالث لو عندنا باستمرار مشاكل نيوكاسل عنيفة في العنابر بتيجي بدري في أوائل العشرينات و المنطقة شديدة الوبائية بالنيوكاسل ف دايما الحل هو اننا ندي جرعة مبكرة مركزة من النيوكاسل في الأعمار الأولى من لقاح ڨولڨاك نيوكاسل مركز

ڨولڨاك نيوكاسل مركز

أحد حلول شركة ڨيت ميديكا لمواجهة النيوكاسل شديد الضراوة

من انتاج شركة بورينجر انجلهايم الالمانية

نقدر نعتمد عليه في الحماية من النيوكاسل لو مزرعتك بيحصل فيها اصابة مبكرة من النيوكاسل عشان يديك حماية بدري

أعلى تركيز من النيوكاسل في فئته

هيوفر للكتاكيت جرعة عالية جدا في حقنة 0.2 مل تتماشى مع العمر الصغير

نقدر نحصنه عمر 3 أيام او عمر يوم في المعمل حسب توصيات السيد استشاري أمراض الدواجن مشرف المزرعة

اسأل عن ڨولڨاك نيوكاسل مركز

متوفر من ڨيت ميديكا لدى الموزعين و المكاتب البيطرية و معامل التفريخ

نتقابل بكره في

يوميات مربي دواجن

شتاء 2020

تابعونا عشان يوصلكم بوست كل يوم من فيت ميديكا

لمتابعة قناة ڨيت ميديكا على يوتيوب

لمتابعة صفحة ڨيت ميديكا على انستجرام

للتواصل من خلال ال واتس اب