وزير الري: ملء سد النهضة سيدمر الصناعة المصرية
قال محمد عبد العاطي وزير الري ، امس الأربعاء، إن ملء سد النهضة سيؤدي لجفاف صناعي في مصر قد يتضاعف، مؤكدا أن كل يوم يمر سيكون فارقا.
وجاء ذلك في مداخلة مع برنامج يحدث في مصر الذي يقدمه الإعلامي شريف عامر على قناة إم بي سي.
وأضاف: “إحنا قفلنا في مفاوضات سد النهضة الأخيرة على جزء مش عارفين نوصل فيه لاتفاق وهو الجزء القانوني، والجزء الفني اتفقنا فيه على أجزاء وأجزاء أخرى لا والجزء القانوني مفيش أي فرصة للوصول لاتفاق في آخر اجتماع”.
وتابع: “لما يبقى فيه اتفاق مرحلة بتريح الجميع حتى كويسة لاثيوبيا .. طبعا بدء الملء كما أعلنت اثيوبيا كل يوم بيفرق معانا .. ملء السد بالنسبة لي بيمثل جفاف صناعي وأي كمية مياه يملاها السد بتقل من كمية المياه اللي جايالي وده جفاف صناعي .. ولو حصل أي جفاف طبيعي في نفس الوقت هيبقى التأثير مضاعف . وصلنا لحلول فنية .. توصل أثيوبيا في أحلك الظروف ما يجعلها قادرة على تويلد 80% من الكهرباء … ولسة ماوصلناش لتوافق في كيفية دعم اثيوبيا لمصر عند حدوث الجفاف وماوصلناش لتفاهم حول النقطة دي”.
وقال وزير الري: ” تجاوبنا مع كل المقترحات وأي أفكار طرحت درسناها وتجاوبنا معاها”.
وردا على إمكانية العودة للمفاوضات، تابع: “لما يكون فيه نية للوصول لاتفاق ولو وصلنا لاتفاق يبقى فيه أدوات تحكم هذا الاتفاق وآليات فض المنازعات، وفيه أساسيات في الاتفاق لازم يبقى فيه إرادة سياسية للاتفاق عليها”.
.jpeg)
